Il-Programm Kultura
Il-Programm Kultura (2007-2013) twaqqaf biex ikabbar l-ispazju kulturali Ewropew, il-patrimonju kulturali komuni, permezz tal-iżvilupp ta’ attivitajiet ta’ kooperazzjoni fost operaturi kulturali minn pajjiżi li qed jipparteċipaw fil-Programm.
Il-fondi li jitqassmu minn dan il-Programm imorru għal firxa kbira t’attivitajiet kulturali mingħajr esklużjonijiet tematiċi. Għaldaqstant, fondi jingħataw fost l-oħrajn għal proġetti bbażati fuq il-patrimonju storiku, letteratura, arti viżiva, arti diġitali, mużika, teatru w arti performattiva, traduzzjoni u l-organizzazzjoni ta’ festivals.
